අපේ රටේ ව්‍යාපාර වල දියුණුවට ලිට්රෝ ගෑස් දක්වන දායකත්වය

ශ්‍රී ලංකාව කියන්නේ දරුණු ආර්ථික උද්ධමනයකට මුහුණ දීමෙන් පසුව ක්‍රම ක්‍රමයෙන් නැවතත් ස්ථාවර තත්වයකට පත් වෙමින් තිබෙන රටක්. මේ නිසාම අපේ රටේ ව්‍යාපාරයක් ආරම්භ කිරීම, ස්ථාවරව පවත්වාගෙන යාම සහ ඒ ඔස්සේ ලාභ ලැබීම ඒ තරම් පහසු කාරණයක් නෙමෙයි. රටේ තිබෙන සෑම භාණ්ඩයකටම සහ සේවාවකටම වටිනාකමටත් වඩා වැඩි මිලක් නියම වී තිබෙන මේ වටපිටාව තුල තමන්ගේ ව්‍යාපාරය පවත්වාගෙන යන්නට ව්‍යාපාරිකයන් දැඩි ප්‍රයත්නයක් දරමින් සිටිනවා. බොහොමයක් ව්‍යාපාරික කටයුතු වලදී ගින්දර භාවිතයෙන් සිදු කරන කටයුතු සදහා දර හෝ දහයියා වැනි ප්‍රාථමික ඉන්ධන භාවිතා කිරීමට ව්‍යාපාරිකයන් කටයුතු කරනවා. ඉතින් අපි කලින් සදහන් කල ඉන්ධන වලට වඩා ලිට්රෝ ගෑස් භාවිතා කිරීමෙන් ව්‍යාපාරිකයන්ට ලැබෙන වාසි ගැන වගේම අපේ රටේ ව්‍යාපාර වල දියුණුවට ලිට්රෝ ගෑස් දක්වන දායකත්වය ගැනත් මේ ලිපියෙන් කතා කරන්න අපි සූදානම්.

01. පාරිභෝගිකයන්ට අවශ්‍ය ප්‍රියමනාප වටපිටාවක් නිර්මාණය කිරීම.

ක්‍රමයෙන් දියුණු වෙමින් පවතින ලෝකයේ බොහොමයක් වෙලාවට ව්‍යාපාරයක් වෙත පාරිභෝගිකයෙක් ඇදී එන්නේ එම ව්‍යාපාරය අවට තිබෙන වටපිටාව පිළිබදව සැලකිලිමත් වීමෙන් පසුවයි. දර නිසා අධිකව ඇති වන දුම, භූමිතෙල් නිසා ඇතිවන දුර්ගන්ධය වැනි කරුණු නිසා පාරිභෝගිකයන්ට එම ව්‍යාපාරික ස්ථානය ඒ තරම් ප්‍රසංසනීය ගැගීමක් ඇති කරවන්නේ නැහැ. නමුත් එල් පී ගෑස් භාවිතා කිරීමේදී අනවශ්‍ය දුමක් හෝ දුර්ගන්ධයක් නිකුත් නොවන නිසා පාරිභෝගිකයන්ට අවශ්‍ය සුවදායී වටපිටාව නිර්මාණය වීම සිදු වෙනවා. මේ නිසා වැඩි පාරිභෝගික ආකර්ශණයක් හිමි වීම ව්‍යාපාරිකයන් එල් පී ගෑස් භාවිතා කිරීමෙන් ලබන එක් ප්‍රධාන වාසියක් වෙනවා.

02. භාවිතයේ සහ ගබඩා කිරීමේ පහසුව.

දර වැනි ඉන්ධන ගබඩා කිරීමේදී ඒවා නොතෙමී තබා ගැනීම, වේයන්ගෙන් වන හානි වලින් ආරක්ෂා කර ගැනීම සදහා විවිධාකර ක්‍රම සහ විධි අනුගමනය කල යුතු වෙනවා. ඒ වගේම ඒ සදහා අමතර ඉඩක් සහ කාලයක්ද වෙන් කිරීමට ව්‍යාපරිකයන්ට සිදු වෙනවා. ඒ වගේම වැසි සහිත කාලගුණ තත්වයන් වලදී දර භාවිතය හෝ ප්‍රවාහනය කිරීම ඒ තරම් පහසු වෙන්නේ නැහැ. නමුත් එල් පී ගෑස් ටැංකි වශයෙන් පවතින නිසාත් අඩු ඉඩකඩක් තුල ගබඩා කල හැකි නිසාත් ව්‍යාපාරිකයන්ට පහසුවෙන් තමන්ගේ ව්‍යාපාරික කටයුතු කරගෙන යාමට අවශ්‍ය ඉඩකඩ හිමි වෙනවා.

03. සහනදායී මිල සහ මිලදී ගැනීමේ පහසුව.

ශ්‍රී ලංකාව පුරාම විහිදුණු අලෙවි නියෝජිත ජාලය මගින් ව්‍යාපාරිකයන්ට තමන්ගේ ව්‍යාපාරයට සරිලන එල් පී ගෑස් ටැංකි විවිධ ප්‍රමාණවලින් මිලදි ගන්නට පුළුවන්. ඒවගේම ලෝක එල් පී ගෑස් මිලේ සිදුවෙන වෙනස් වීම් සහ සංශෝධන වල සහන මිල සෘජුවම පාරිභෝගිකයන්ට ලබා ගැනීමටත් ලිට්රෝ ගෑස් සමාගම පාරිභෝගිකයන්ට අවස්ථාව සලස්වා දි තිබෙනවා. මේ නිසා අපිට අවීවාදයෙන් පිළිගත හැකි කරුණ වන්නේ ව්‍යාපාර සාර්ථක කර ගැනීම සදහා එල් පී ගෑස් භාවිතය ඉතා වැදගත් සාධකයක් බවයි.

කලින් කතා කලා වගේම අපේ රට මේ වන විට උද්ධමනය නිසා පීඩා විදිමින් ක්‍රම ක්‍රමයෙන් එයින් මිදෙමින්, නැගී සිටිමින් සිටින රටක්. ඉතින් ඒ නිසාම අපේ රටේ ව්‍යාපාර ක්‍රම ක්‍රමයෙන් වර්ධනය කර ගැනීම සදහා ලිට්රෝ ගෑස් දක්වන දායකත්වය සුළු කොට තැකීමේ හැකියාවක් අපිට නැහැ. ඒ නිසාම ලිට්රෝ ගෑස් සමාගම අපේ රටේ ලාභ ලබන ව්‍යාපාරයක් බවට පත් වෙමින් අනෙකුත් සුළු සහ මධ්‍යම පරිමාණයේ ව්‍යාපාර සාර්ථක කිරීම සදහා දක්වන සහයෝගය අනිවාර්යෙන්ම අගය කල යුතු එකක් වෙනවා.

රක්ෂිතවල අක්කර ලක්ෂ 3ක් කෝටිපතියන්ට බෙදලා

දිවයින පුරා වනරක්ෂිතවලට අයත් ඉඩම් අක්කර තුන්  ලක්ෂ තිස් දෙදහසක් කෝටිපති ව්‍යාපාරිකයන් සහ ප්‍රභූවරුන් ඇතුළු  විවිධ තරාතිරම්වල  පිරිස් සඳහා වගා කටයුතු ඇතුළු නොයෙකුත්  ව්‍යාපෘති  වෙනුවෙන් මේදක්වා නිදහස් කර ඇතැයි  තොරතුරු අනාවරණයවී ඇති බව  පරිසරය, ස්වාභාවික සම්පත් සහ තිරසාර සංවර්ධනය පිළිබඳ ආංශික අධීක්ෂණ කාරක සභාව පවසයි.

වන රක්ෂිතවල ඉඩම් මෙලෙස විවිධ පුද්ගලයන්ගේ මනදොළ සැපිරීම සඳහා මෙලෙස  නිදහස් කිරීමෙන්  රටේ පරිසරයට බරපතළ  තර්ජනයක් ඇතිවන  බව එම කාරක සභාවේ සභාපති ගම්පහ දිස්ත්‍රික් පාර්ලිමේන්තු මන්ත්‍රී අජිත් මාන්නප්පෙරුම මහතා පැවසීය.

මේ අතර 2018 වර්ෂයේ සිට 2022 වර්ෂය දක්වා අලි මිනිස් ගැටුම හේතුවෙන් අලි මරණ 1967ක් සිදුවී ඇති අතර අලින්ගේ පහරදීම හේතුවෙන් පුද්ගලයන් 667 දෙනකු  මරුමුවට පත්ව ඇතැයිද  එම කාරක සභාවේදී තොරතුරු හෙළිවිය.

ගෑස් භාවිතයෙන් කාලයත් මුදලුත් ඉතිරි කරමින් පහසුවෙන් ආහාර පිස ගන්න ටිප්ස් 5 ක්

එල්පී ගෑස් කියන්නේ අපේ රටේ ව්‍යාපාර කටයුතු වලට වගේම නිවසේ එදිනෙදා කටයුතු සදහාත් එකසේ භාවිතයට ගැනෙන ප්‍රධාන ඉන්ධන වර්ගයක්. කාර්යබහුල ගෘහණියන්ගේ එදිනෙදා ජීවිතය වඩාත් පහසු කරන්න වගේම ඔවුන්ගේ කාලය ඉතුරු කරන්නත් අනෙකුත් ඉන්ධන වලට සාපේක්ෂව එල්පී ගෑස් වලට පුළුවන්කම ලැබිලා තියෙනවා. ඉතින් ගෘහණියන්ගේ ජිවිතය වඩාත් පහසු කරවන එල්පී ගෑස් භාවිතයෙන් කාලයත් මුදලුත් ඉතිරි කරමින් ආහාර පිසගන්න පුළුවන් ටිප්ස් පහක් අද ලිපියෙන් අපි අරගෙන එනවා.

01. ප්‍රෙෂර් කුකරයක් භාවිතා කිරීම.

ගෑස් ලිපේ ආහාර පිසින විට විවිධාකාර භාජන භාවිත කරන්නට පුළුවන්. නමුත් ප්‍රෙෂර් කුකරයක් භාවිතා කිරීමේදී අනික් සියලුම භාජන වලට වඩා ඉතා ඉක්මනින් සහ පහසුවෙන් ආහාර පිසීමේ හැකියාව ලැබෙනවා. එයට හේතුව වන්නේ ප්‍රෙෂර් කුකරයක් තුල නිපදවෙන අධික උෂ්ණත්වය පිටතට ගමන් නොකරන නිසා සෙල්සියස් අංශක 100 ක තරම් උෂ්ණත්වයක් සහිත වටපිටාවක් තුල ආහාර ඉක්මනින් තැම්බීම සහ පිසීමයි. ප්‍රෙෂර් කුකරයක් භාවිතා කිරීමේදී ආහාර ඉක්මනින් පිස ගැනීමට හැකි අතරම වැය වන එල්පී ගෑස් ප්‍රමාණය සැලකිය යුතු මට්ටමකින් අඩු කරගැනීමේ හැකියාවත් පවතිනවා.

02. එක වර ආහාර පිස ගැනීම.

ඔබත් කාර්යබහුල ගෘහණියක් නම් වරින් වර ආහාර පිසීම වෙනුවට එකවර ආහාර වර්ග කිහිපයක් පිස ගැනීම වඩාත් සුදුසු වෙනවා. බොහෝ වෙලාවට එක් ආහාර වර්ගයක් පිසෙන විට ලිප දැනටමත් රත් වී තිබෙන නිසා නැවත නැවත ලිප රත් කිරීමට අවශ්‍ය වන්නේ නැහැ. අනවශ්‍ය කාලයක් සහ ගෑස් වැය කිරීමකින් තොරව මේ ක්‍රමය හරහා එක වර ආහාර වර්ග කිහිපයක් පිස ගැනීමට ඔබට පුළුවන්.

03. ගෑස් ලිපේ අමතර කොටස් නිතර පරීක්ෂා කිරීම.

ගෑස් ලිපක් භාවිතා කරන විට බොහෝ වෙලාවට එහි අමතර කොටස් පිළිබදව සැලකිලිමත් විය යුතු වෙනවා. බර්නර්, ආධාරක සහ රෙගියුලේටරය වැනි අමතර කොටස් ඉතා හොද තත්වයේ තිබීම අත්‍යාවශ්‍ය කාරණයක් වෙනවා. ලිපේ දැල්ල නිසියාකාරව දැල්වීම අත්‍යාවශ්‍ය කාරණයක්. මේ නිසා මසකට වරක් හෝ ගැලවිය හැකි කොටස් ගලවා ඒවා පිරිසිදු කිරීම අත්‍යාවශ්‍ය කාරණයක් වෙනවා.

04. උණුවතුර බෝතල් සහ ආහාර වල උණුසුම ආරක්ශා වන බදුන් භාවිතා කිරීම.

නිවෙස් වල බොහෝ වෙලාවට ආහාර පිසීමට අමතරව එල්පී ගෑස් භාවිතා වෙන්නේ ජලය රත් කිරීමට සහ ආහාර නැවත නැවත රත් කිරීම සදහායි. නමුත් උණුවතුර බෝතල් සහ ආහාර වල උණුසුම ආරක්ශා කරන බදුන් භාවිතා කිරීම මගින් නැවත නැවත ජලය උණු කිරීම සහ නැවත නැවත ආහාර රත් කිරීම සදහා වැය වන අනවශ්‍ය මුදල සහ කාලය ඉතිරි කරගන්නට පුළුවන්.

05. අවශ්‍ය ආකාරයට ගිනි දැල්ල අඩු වැඩි කිරීම.

ආහාර වර්ග එකකට එකක් විවිධාකාර නිසා ගෑස් ලිපේ දැල්ල විවිධාකාර ප්‍රමාණ වලින් තිබීම අවශ්‍ය වෙනවා. මේ නිසා ඒ ඒ ආහාර වර්ගයට අදාල ප්‍රමාණයට ගෑස් දැල්ල සීරුමාරු කිරීම මගින් වැය වන එල්පී ගෑස් ප්‍රමාණය ඉතුරු කරගන්නට පුළුවන්.

වියදම් වැඩි මේ කාලයේ වියදම් අඩු කරගන්න වගේම නිවසේ වැඩ කටයුතු පහසුවෙන් ඉටු කරගන්නත් එල් පී ගෑස් අපේ රටේ ගෘහණියන්ට ලබා දෙන්නේ සුළු පටු සහයෝගයක් නෙමෙයි. ඉතින් අපි අද ලිපියේ සදහන් කරපු ටිප්ස් ඔයාගේ ජීවිතයට එකතු කරගන්න වගේම ඔයාගේ එදිනෙදා ජිවීතය පහසු කරගන්නත් මේ ටිප්ස් භාවිතා කරන්න අමතක කරන්න එපා.

මිනිස්සුන්ට බරක් නොදැනෙන්න ගෑස් මිල පාලනය කළ ක්‍රමය මෙන්න

 

ශ්‍රී ලංකා ඛනිජ තෙල් නීතිගත සංස්ථාවට අයත් ඉන්ධනවල මිල ඔක්තෝම්බර් පළමුවෙනිදා මධ්‍යම රාත්‍රියේ සිට සිට ක්‍රියාත්මක වන පරිදි ඉහළ දැමූ අතර ඒ අනුව 92 පෙට්‍රල් රු.04 කින්, 95 පෙට්‍රල් රු.03 කින්, ඔටෝ ඩීසල් රු.10 කින් සුපර් ඩීසල් රු.62 කින් සහ භූමිතෙල් රු.11 කින් ඉහළ ගොස් තිබෙනවා. ඒ අනුව 92 පෙට්‍රල් ලීටරයක් රු.365ක් දක්වා මිල ඉහළ ගොස් ඇති අතර 95 පෙට්‍රල් ලීටරයක මිල සදහන් වන්නේ රු. 420 ක් ලෙසයි. එසේම ඔටෝ ඩීසල් වල නව මිල රු. 351 ක් වන අතර සුපර් ඩීසල් ලීටරයක් රු.421 ක් ලෙසත් භූමිතෙල් ලීටරයක් රු.242 ක් ලෙසත් ඉහල ගොස් තිබෙනවා. මේ නිසා ඉදිරියේදී බස් සහ ත්‍රීවිල් ගාස්තු වලද වැඩිවීමක් සිදු වීමට නියමිත බව බොහෝ දෙනෙකුගේ අදහසයි.

ඇමරිකාව තුල වේගයෙන් ඉහල යන උද්ධමනය, යුක්‍රේන සහ රුසියා යුද්ධය, කොරෝනා වසංගතයෙන් පසු චීනයේ ආර්ථිකය විවෘත වීම නිසා ඇති වූ දැඩි එල් පී ගෑස් ඉල්ලුම වගේම ලෝකයේ විශාලතම තෙල් අපනයනකරුවා වන සෞදි අරාබිය විසින් ගණු ලබන විවිධාකාර තීන්දු සහ තීරණ නිසාත් නොසිතූ විරූ අයුරින් ලෝක එල් පී ගෑස් වෙළදපලේ මිළ ඉහල යාම පිළිබදව මාස කිහිපය පුරාම වාර්තා වුනා. 2023 වසරේ අගෝස්තු මාසයේ ඇමරිකාවේ ගෑස් ගැලුන් එකක මිල 3.86 ක් ලෙස සදහන් වුනත් ඊට පෙර සතියේ ගෑස් මිල වාර්තා වී තිබුනේ ගෑස් ගැලුන් එකක මිල ඩොලර් 3.85 ක් ලෙසයි. මෙම දත්ත වලට අනුව සාමාන්‍යයෙන් වර්ෂයක් තුල වැඩිවෙන ගෑස් මිලට වඩා 22% ක වැඩි වීමක් මෙම වසර මැද සිදු වී ඇති බව ආර්ථික විශේෂඥයන් වැඩි දුරටත් පෙන්වා දුන්නා. මේ තත්වයන් නිසා ගෑස් මිල ක්‍රම ක්‍රමයෙන් ඉහළ යද්දීත් ශ්‍රී ලංකාවේ ජනතාවට එම දැඩි පීඩනය එල්ල වීම වැලැක්වීමට ලිට්රෝ ගෑස් සමාගමේ සභාපතීත්වය සහ කළමණාකාරීත්වය කටයුතු කළා. ඒ අනුව අගෝස්තු මාසය වන තුරුම නිවරදි කළමණාකාරීත්වය නිසා මිල ක්‍රම ක්‍රමයෙන් අඩු කරමින් සහ ලෝක වෙළදපලේ ගෑස් මිල ඉහල යද්දීත් මිල ස්ථාවරව තබා ගන්නට ලිට්රෝ සමාගම කටයුතු කලා. ලෝක වෙළදපලේ මිල ඉහල යාම නිසා පසුගිය මාසයේදී රු.2982 ක්ව පැවති කිලෝග්‍රෑම් 12.5 ගෑස් සිලින්ඩරයක මිල රු. 145 කින් පමණක් ඉහළ දැමුණු අතර එහි නව මිල වාර්තා වුනේ රු.3127 ක් ලෙසයි. ලෝක වෙළදපලේ ගෑස් මිල නොසිතූ විරූ අයුරින් ඉහළ යද්දීත් එම තත්වය පාලනය කරමින් සහ ඉතා සුළු අගයකින් ඉහළ දමමින් තමන්ගේ පාරිභෝගික ජනතාවට සලසන සහනය උද්ධමනය නිසා පීඩා විදින ශ්‍රී ලංකාවට විශාල සහයෝගයක් බවට පත් වී තිබෙනවා.

සුළු හා මධ්‍යම ප්‍රමාණයේ ව්‍යාපාර වලට වෙනත් ශක්ති ප්‍රභවයන් වලට වඩා ගෑස් භාවිතා කිරීම වඩාත් ලාභදායී වන්නේ ඇයි?

 අපේ රටේ අලුතින් ආරම්භ වන සහ මධ්‍යම ප්‍රමාණයෙන් පවත්වාගෙන යන ව්‍යාපාර බොහෝ සංඛ්‍යාවක් තිබෙනවා. මේ ව්‍යාපාර මහා පරිමාණ ව්‍යාපාර බවට පත් කරගන්නට නම් අඩු වියදම් සහ වැඩි ආදායම් සහිත පරිසරයක් නිර්මාණය කිරීම අත්‍යාවශ්‍ය කාරණයක්. අලුතෙන් පටන් ගත් ව්‍යාපාරයක් ලාභ ලබන ව්‍යාපාරයක් බවට පත් කරන ගමනේදී එම ව්‍යාපාරයේ වියදම් හැකි පමණින් අඩු කර ගැනීමට ව්‍යාපාරිකයන් උනන්දු වෙනවා. මෙවැනි අවස්ථා වලදී බොහොමයක් ව්‍යාපාරිකයන් තමන්ගේ ව්‍යාපාර වල ඉන්ධන අවශ්‍යතා සදහා එල් පී ගෑස් භාවිතා කිරීම සිදු කරනවා.මේ ආකාරයට තමන්ගේ ව්‍යාපාරික අවශ්‍යතා සදහා එල් පී ගෑස් භාවිතා කිරීමේ වාසිය කුමක්ද? අද ලිපියෙන් අපි කතා කරන්න යන්නේ ඒ ගැනයි.

 
01. භාවිතයේ පහසුව.

 
වෙනත් විකල්ප ඉන්ධන භාවිතා කිරීමේදී ව්‍යාපාර භාවිතා කරන පුද්ගලයන්ට අපහසුතා රැසකට මුහුණ දීමට සිදු වෙනවා. එයින් ප්‍රධානතම ගැලළුව වන්නේ දර වැනි ඉන්ධනයක් භාවිතා කිරීමේදී දුම නිසා සහ භාවිතයේදී සිදුවන අපහසුතාවයයි. භූමිතෙල් වැනි ඉන්ධන භාවිතයේදී ඇතිවන දුර්ගන්ධය නිසා පාරිභෝගිකයන් තුල අප්‍රසන්න හැගීමක් ඇති වන්නට පුලුවන්. නමුත් ගෑස් භාවිතා කිරිමේදී වඩාත් පහසුවෙන් අදාල කාර්‍යයන් ඉතා කුඩා ඉඩක් තුල ඉටු කරගන්නට ව්‍යාපාරිකයන්ට හැකියාව තිබෙනවා.

02. සපයා ගැනීමේ පහසුව.

 
දර, දහයියා, භූමිතෙල් වැනි ඉන්ධන භාවිතා කිරීමේදී බොහෝ වෙලාවට ව්‍යාපාරිකයන්ට කාලගුණ තත්වය පිලිබදව සැලකිලිමත් වෙන්නට සිදු වෙනවා. වැසි සහිත කාලගුණ තත්වයන් වලදී දර සහ දහයියා වැනි ඉන්ධන භාවිතා කිරිම වඩාත් අපහසු වෙන්නට පුළුවන්. නමුත් ඔනෑම කාලගුණ තත්වයක් යටතේ භාවිතා කල හැකි ගෑස් දිවයින පුරා පිහිටා තිබෙන ලගම අලෙවි නියෝජිතයාගෙන් ලබා ගන්නට ව්‍යාපාරිකයන්ට හැකියාව තිබෙනවා

.
03. මිල සංශෝධන.

 
අපේ රටේ ගෑස් සැපයීමේ ප්‍රමුඛ ආයතනය වෙන ලිට්රෝ ගෑස් ආයතනය ශ්‍රී ලංකාවේ ගෑස් අවශ්‍යතාවයෙන් වැඩි ප්‍රමාණයක් සපුරාලන ආයතනයයි. ඔවුන් විසින් ශ්‍රී ලංකා රජය සමග එක්ව නිර්මාණය කර තිබෙන මිල සූත්‍රය නිසා ලෝකයේ ගෑස් මිල අඩු වැඩි වන අවස්ථා වලදී එම සහනය පාරිභෝගික ජනතාවට ලබා දීමට ඔවුන් කටයුතු කරනවා. මේ නිසා ව්‍යාපාරිකයන්ට තමන්ගේ ව්‍යාපාරයට අවශ්‍ය ගෑස් පහසු මිලට ලබා ගැනීමේ හැකියාව පවතිනවා.

 
ඉහතදී සදහන් කල කරුණු වගේම පරිසර දූෂණයෙන් තොරව තමන්ගේ ව්‍යාපාර පවත්වාගෙන යාමටත්, වඩාත් පහසුවෙන් සහ මුදල් ඉතිරි කරගනිමින් තමන්ගේ ව්‍යාපාරය පවත්වාගෙන යාමටත් වඩාත් සුදුසු ඉන්ධන වර්ගය වන්නේ එල් පී ගෑස් භාවිතා කිරිමයි.

 
ඒ මතක් කිරීමත් සමගින් අද ලිපියෙන් අපි සමු ගන්නවා. ඔබ සියළු දෙනාටම සුබ දවසක්!

මුතුහෙට්ටිගම අත්අඩංගුවට නොගත් හේතු කියන්න වලානේ අධ්‍යක්‍ෂකට උසාවි එන්න කියයි

නීති විරෝධී ලෙස කොටස් ගෙන්වා එකලස් කරන ලද වාහනයක් සන්තකයේ තබා ගැනීම සම්බන්ධයෙන් ගාල්ල දිස්ත්‍රික් හිටපු පාර්ලිමේන්තු මන්ත්‍රී හා හිටපු නියෝජ්‍ය අමාත්‍යවරයකු වූ නිශාන්ත මුතුහෙට්ටිගම මහතා ලබන 21 දා දක්වා රක්ෂිත බන්ධනාගාරගත කිරීමට ගාල්ල ප්‍රධාන මහෙස්ත්‍රාත් ඉසුරු නෙත්තිකුමාර මහතා ඊයේ (14 දා) නියෝග කරන ලදී. 

පසුගිය වසරේ ඔක්තෝබර් 31 වැනිදා පානදුර වලාන දූෂණ මර්දන ඒකකයේ නිලධාරීන් විසින් ගාල්ල නගරයේදී සුඛෝපභෝගී වාහනයක් නවතා පරීක්‍ෂා කර ඇත. මෙම වාහනය පදවාගෙන ගොස් ඇත්තේ පොලිස් කොස්තාපල්වරයකු වන අතර වාහනයේ කිසිදු නීත්‍යානුකූල ලියැකියවිලි තිබී නැත. පසුව සැකකරු හා වාහනය අධිකරණයට ඉදිරිපත් කිරීම සඳහා ගාල්ල පොලිසියට භාරදී ඇත. 

එහිදී කරන ලද විමර්ශනයේදී අනාවරණය වී ඇත්තේ එහි චැසි අංකය මියගිය කාන්තාවකගේ මෝටර් රථයක අංකය ලෙස කොටා ඇති බවයි. වාහනයේ නොම්බර තහඩුවද ව්‍යාජ එකක් බව හෙළිවී ඇත. වැඩිදුරටත් අනාවරණය වී ඇත්තේ මෙම සුඛෝපභෝගී මෝටර් රථය නීති විරෝධී ලෙස කොටස් ගෙන්වා එකලස් කර ඇති එකක් බවය. ඊයේ දින මුතුහෙට්ටිගම මහතා අධිකරණයට පෙනී සිටි අවස්ථාවේ පානදුර වලාන දූෂණ මර්දන ඒකකයේ නිලධාරියකු කියා සිටියේ නඩුවේ දෙවැනි විත්තිකරු ලෙස නිශාන්ත මුතුහෙට්ටිගම නම් කරන බවය. 

එම අවස්ථාවේ මහෙස්ත්‍රාත්වරයා කියා සිටියේ වලාන දූෂණ මර්දන අංශයේ විමර්ශන ගැන සෑහීමකට පත් නොවන බවය. නිශාන්ත මුතුහෙට්ටිගම අත්අඩංගුවට නොගැනීම සම්බන්ධයෙන් කරුණු දැක්වීම සඳහා අධිකරණයේ පෙනී සිටීමට වලාන දූෂණ මර්දන ඒකකය අධ්‍යක්‍ෂවරයාට නොතීසි නිකුත් කිරීමට මහෙස්ත්‍රාත්වරයා නියෝග කළේය. සුගතපාල දීයගහගේ – අහංගම

මුතුහෙට්ටිගම අත්අඩංගුවට නොගත් හේතු කියන්න වලානේ අධ්‍යක්‍ෂකට උසාවි එන්න කියයි

නීති විරෝධී ලෙස කොටස් ගෙන්වා එකලස් කරන ලද වාහනයක් සන්තකයේ තබා ගැනීම සම්බන්ධයෙන් ගාල්ල දිස්ත්‍රික් හිටපු පාර්ලිමේන්තු මන්ත්‍රී හා හිටපු නියෝජ්‍ය අමාත්‍යවරයකු වූ නිශාන්ත මුතුහෙට්ටිගම මහතා ලබන 21 දා දක්වා රක්ෂිත බන්ධනාගාරගත කිරීමට ගාල්ල ප්‍රධාන මහෙස්ත්‍රාත් ඉසුරු නෙත්තිකුමාර මහතා ඊයේ (14 දා) නියෝග කරන ලදී. 

පසුගිය වසරේ ඔක්තෝබර් 31 වැනිදා පානදුර වලාන දූෂණ මර්දන ඒකකයේ නිලධාරීන් විසින් ගාල්ල නගරයේදී සුඛෝපභෝගී වාහනයක් නවතා පරීක්‍ෂා කර ඇත. මෙම වාහනය පදවාගෙන ගොස් ඇත්තේ පොලිස් කොස්තාපල්වරයකු වන අතර වාහනයේ කිසිදු නීත්‍යානුකූල ලියැකියවිලි තිබී නැත. පසුව සැකකරු හා වාහනය අධිකරණයට ඉදිරිපත් කිරීම සඳහා ගාල්ල පොලිසියට භාරදී ඇත. 

එංගලන්ත තරුණිය පැන්නාද? වැටුණාද?

මුහුණු පොත හරහා  හඳුනාගත් බව කියන මෙරට තරුණයකුගේ ආරාධනයක අනුව පැමිණ ගල්කිස්ස අල්විස් පෙදෙස ‘‘බ්ලූඕෂන්‘‘ නිවාස සංකීර්ණයේ නැවති සිටි එංගලන්ත පුරවැසි තරුණියක එහි 13 වන මහලෙන් බිමට වැටී මියගොස් ඇතැයි ගල්කිස්ස පොලිසිය කියයි.

සිනනයියා අලගේෂ්වරන් රොමීනා නමැති තරුණියකි.

මෙම තරුණිය හෙට දින නැවත එංගන්තය බලා යෑමට නියමිතය තිබූ බව ද පොලිසිය පවසයි.

මෙම සිද්ධිය අද අලුයම2.00 ට පමණ සිදුව තිබේ.

ලෝක වෙළද පොලේ මිල විශාල ගණනකින් ඉහල ගියත් ලිට්රෝ එලෙස වැඩි කරන්නේ නෑ, මුදිත පිරිස්, ලිට්රෝ සභාපති

 අද (04) මධ්‍යම රාත්‍රියේ සිට ලිට්රෝ ගෑස් සමාගම සිය මිල ගණන් සංශෝධනය කර තිබෙනවා.

ඒ අනුව කිලෝග්‍රෑම් 12.5ක ගෘහස්ත ගෑස් සිලින්ඩරයක මිල රුපියල් 145කින් ඉහළ දමා ඇති අතර එහි නව මිල වන්නේ රුපියල් 3,127කි.

මේ අතර කිලෝ ග්‍රෑම් 5 ගෑස් සිලින්ඩරයක් රුපියල් 58 කින් ඉහළ දමා ඇති අතර එහි නව මිල රුපියල් 1,256කි.

කිලෝගෑම් 2.3ක ගෑස් සිලින්ඩරයක් රුපියල් 26කින් ඉහළ දමා ඇති අතර එහි නව මිල රුපියල් 587කි.

අද පැවති විශේෂ මාධ්‍ය හමුවේදී ලිට්රෝ සභාපති මුදිත පිරිස් මහතා වැඩි දුරටත් අදහස් පල කරමින් කියා සිටියේ ලෝක වෙළඳ පොලේ ගෑස් මිල රු 1000කට ආසන්න ගණනකින් ඉහල ගොස් ඇති බවත්මි, මිල ඉහළයාම කලින්ම හදුනාගෙන පෙර මාස කිහිපය තුල වැඩිපුර ගෑස් තොග ඇනවුම කල නිසා අද දින කිලෝග්‍රෑම් 12.5ක  සිලින්ඩරයක මිල රු 145ක පමණ අවම මුදලකින් පමණක් වැඩි කිරීමට හැකියාව ලැබුන බවයි. 

අවසාන අප්‍රේල් මාසයේ රු. 1005කින් ගෑස් මිල පහත දෑමු අතර, 2023 මැයි මාසයේ දී රු.100කින් මිල අඩු කරනු ලැබුවා, නැවතත් ජුනි මාසයේදී රු.452කින් මිල අඩු කල අතර, ජුලි මාසයේදී රු. 204කින් ගෑස් මිල පහල දමනු ලැබුවා, අගෝස්තු මාසයේ ලෝක වෙළඳපොලේ මිල වැඩි වුවත් ලිට්රෝ සමාගම කිසිදු මිල වැඩි කිරීමක් සිදු කරනු ලැබුවේ නෑ. ඒ අනුව අවසාන මාස 5ක කාලය තුල දේශීය ගෑස් මිල රු. 2000කට ආසන්න අගයකින් මිල අඩු කර තිබෙනවා.

ලෝක වෙළද පොලේ මිල මෙලෙස  විශාල ගණනකින් ඉහල ගියත් ලිට්රෝ සමාගමේ නිසි කළමනාකාරිත්වය නිසි ඉහල යන මුදලම ජනතාවගෙන් වැඩි නොකර ජනතවට සහනයක් සැලසීමට හැකිවී තිබෙන බවත් මුදිත පිරිස්  මහතා මාධ්‍ය හමුවේදී ප්‍රකාශකර සිටියා. 

ලෝක වෙළෙඳපොල ගෑස් මිල ඉහලට ! මෙම මස දේශීය ගෑස් මිලත් රු. 900/= කින් ඉහල යන ලකුණු

LP ගෑස් කියන්නේ, ලෝකයේ ජනගහනයෙන් විශාල පිරිසක් තමන්ගේ එදිනෙදා කාර්‍යයන් පහසු කරගන්න වගේම, තමන්ගේ ව්‍යාපාර කටයුතු පහසු කරගන්නත් භාවිතා කරන පරිසර හිතකාමී ඉන්ධන වර්ගයක්. නමුත් පසුගිය කාලය මුළුල්ලේම ලෝක ගෑස් මිල අවස්ථා ගණනාවකදීම ඉහළ ගිය බව ඔබ දන්නවා ඇති. වර්තමානය වෙනකොට ලෝක ගෑස් මිල ඉහළ ගොස් තිබෙන්නේ කුමන අගයකින්ද? මේ ආකාරයට ගෑස් මිල ඉහළ යාමට බලපාන සාධක මොනවාද? ඉතින් ලංකාවේ ඉන්න අපි ලෝක ගෑස් වෙළදපළ ගැන නොදන්නා තොරතුරු රැසක් අද ලිපියෙන් අරගෙන එන්නට සූදානම්.

2023 වසරේ අගෝස්තු මාසයේ වාර්තා වුන විදියට ඇමරිකාවේ ගෑස් ගැලුන් එකක මිල සදහන් වුනේ ඩොලර් 3.86 ක් විදියටයි. නමුත් ඊට පෙර සතියේ ගෑස් මිල වාර්තා වී තිබුනේ ගෑස් ගැලුන් එකක මිල ඩොලර් 3.85 ක් විදියටයි. බොහොමයක ආර්ථික විශේෂඥයන් පෙන්වා දෙන්නේ 2022 වසරේ අවසාන මාස හය තුලදී ලෝක වෙළදපලේ ගෑස් මිල සැලකිය යුතු මට්ටමකින් අඩු වූවත්, මෙම වසර තුල ගෑස් මිල ඉතා ඉහල අගයකින් වැඩි වැඩි වීමට නියමිත බවයි. සාමාන්‍යයෙන් වර්ෂයක් තුල වැඩිවෙන ගෑස් මිලට් වඩා 22% ක වැඩි වීමක් මෙම් වසර මැද සිදු වී ඇති බව ආර්ථික විශේෂඥයන් වැඩි දුරටත් පෙන්වා දී තිබෙනවා. ඒ හෙයින් දේශීය ගෑස් වෙළෙඳපොල මිල රු .900/= ක් වැනි ඉතා ඉහළ අගයකින් වැඩි වීමට ඉඩ කඩ පවතිනවා.

මේ විදියට විශාල වශයෙන් ලෝක වෙළදපලේ ගෑස් මිල ඉහළ යාමට හේතු කිහිපයක්ම තිබෙනවා. 2023 වසරේ ජුනි මාසයෙන් පසු ගෑස් මිල ඉහළ යාමට බලපෑ ප්‍රධානතම කාරණය වුනේ ලෝකයේ විශාලතම තෙල් අපනයනකරුවා ලෙස ඔබ අප කවුරුත් දන්නා සවුදි අරාබිය 2023 ජුනි මාසය දක්වා දිනකට තෙල් නිෂ්පාදනය අවම වශයෙන් බැරල් මිලියනයකින් අඩු කරන බව පැවසීමෙන් පසුවයි. ඉතා මෑතක දී , එනම් 2023 ජුනි මස මුලදී ලෝක වෙළෙඳපොල ගෑස් මිල ඉහළ යාමට එය ඍජුවම බලපෑවේය. එම කප්පාදුව දිනකට සමස්ත තෙල් නිෂ්පාදනය බැරල් මිලියන 1.6 කින් අඩු කරන බවට සෞදි අරාබිය, ඉරානය, ඉරාකය, නයිජීරියාව වැනි ඛනිජ තෙල් අපනයනය කරන රටවල් විසින් ඇති කරගත් ඔපෙක් (OPEC) සංවිධානය නිවේදනය කළේය. ඔපෙක් (OPEC) සංවිධානය, එක්සත් ජනපද බලශක්ති තොරතුරු පරිපාලනයට අනුව, ගෝලීය බොරතෙල් සැපයුමෙන් දළ වශයෙන් 40% ක් පමණ සාමූහිකව සපයයි.

OPEC සංවිධානය ජුනි 4 වෙනිදා නිවේදනය කලේ ඔවුන් 2024 වසර අවසානය වන විට දිනයකට තවත් බැරල් මිලියන 1.4 ක් නිෂ්පාදනය කිරීම නවත්වා දමන බවයි. මෙම කාරණා නිසා බොර තෙල් ආශ්‍රිත නිෂ්පාදනයක් වන ගෑස් මිල මෙම මාසයේදී මිල රු .900/= කින් ඉහල යනු ඇති බවට බොහෝ දෙනෙක් මත පළ කර තිබෙනවා.

එමෙන්ම චීනය විසින් කොවිඩ් 19, සීමා ඉවත් කිරීමෙන් පසුව ඔවුන්ගේ ආර්ථිකය විවෘත කිරීමත් ගෑස් මිල ඉහළ යාමට බලපෑ තවත් එක් කාරණයක් වුනා. 2020 වසරේ සිටම චීනය විසින් ඉතා දැඩි ලෙස කොවිඩ් 19 සීමා අනුගමනය කල අතර එයින් අනතුරුව බිලියන 1.4 ක් වූ ජනතාව නැවතත් තමන්ගේ දෛනික ජීවන රටාවට හුරු වීමත් සමගම ගෑස් ඉල්ලුම වැඩි වී අතර මේ නිසාම ගෑස් මිල ඉහල යාම සිදු වී තිබුනා.

ඇමරිකාව තුල වේගයෙන් ඉහල යන උද්ධමනය, යුක්‍රේන සහ රුසියා යුද්ධය යන කාරණා දෙකත් ලෝක වෙළදපලේ ගෑස් මිල ඉහළ යාමට බලපෑ ප්‍රධාන කරුණු දෙකක් බවට පත් වී තිබෙනවා. ඇමරිකාව, රුසියාවට විරුද්ධව පනවා ඇති ආර්ථික සම්බාධකත් මෙම කාරණයට හේතු වී තිබෙනවා. ඒ අනුව මෙම සියලුම හේතූන් වල සාරාංශයක් ලෙස ලෝක වෙළදපලේ ගෑස් මිල සැලකිය යුතු මට්ටමකින් ඉහළ ගොස් ඇති අතර එය තව දුරටත් ඉහළ යාමේ අවධානමක්ද තිබෙනවා.ආර්ථික විශ්ලේෂකයි පවසන ආකාරයට දේශීය ගෑස් වෙළෙදපල මිල අවම වශයෙන් රු.900/= ට වැඩි අගයකින් ඉහළ යාමේ හැකියාවක් පවතින බවට තව දුරටත් සඳහන් කර තිබෙනවා.

ඉතින් අද ලිපියෙන් කතා කලේ දිනෙන් දින ඉහළ යන ලෝක ගෑස් මිල සහ එයට බලපාන හේතු පිළිබදවයි. නැවතත් මෙවැනිම ලිපියකින් ඔබ හමුවෙන තුරු සුබ දවසක්!